4/17/2009

Čálli giehta ollá guhkás

Ovdal, ovdal go šadden masterstudeantan, de čállen ja čállen. Mus leat máŋga girjjáža dievva čállosat maid lean čállán, ja čakčat dievai vuot okta girji ja mun osten dieđusge alccen ođđa guorus girjji. Dát girji čuvoda mu álo, lea álo veaskkus, muhto dál dat ii šat oru dievvamin. Mun in gille čállit, in ge fuomáš maid dal galggašin čállit. Lávejin girdis čállit, dál oađán. Lávejin kafeás čállit, dál in fina šat kafeás. Lávejin seaŋggas čállit ovdal nohkan, dál lean oađđimin ovdal oaivi lea guottá ala joavdan. Váillahan čállinmovtta, sávan dat boahtá fas ruovttuluotta.

Ja jus it dieđe maid galggažat dáhkat muhtin eahkeda, na dahje ija, de geahča Eddie Izzard šovva Dress to Kill. Oastte dvda dahje lobáhutta nu go mun dahken ja viečča Pirate Bay'as.

1 comment:

Susanne Amalie said...

Spør Sigbjørn korsen det va.. panikk når han avslutta mastern for han aldri fikk skrive..no skriv han heile tia. Min konklusjon: Utdannelsen din e helt ubrukelig sia du kommer te å boble over me kreativitet etter avslutta master!