12/22/2008

Fáttát

Dál lean viggamin gárvet koseriijaid, dieđusge maŋimuš sekunddas, in oba livčče ge leamaš mun jus in livčče dál čohkkámin dáidguin. Okta buorre lea ahte suorpmat viimmat njuikkodit bustávas bustávii ja cealkagat nu riegádit. Sávvamis leat buorit sánit.

Justa dál leat fáttát ná:
-Ođđajagiruohttaeahket
-Irgehommát (lean geahččaleamin rievdadit dan bloggačállosa koseriijahápmái, ii nu álki, muhto lea vejolaš)
-Min gieldda positiivválaš sátnejođiheaddji (dahje juoga dien guvlui)
-Ja de lean čálligoahtán ovtta koseriija diekkár olbmuid birra geat beare duoikodit ja duskidit, muhto lean iežan mielas ieš duoikodan nu ollu daid maŋimuš beivviid nu ahte orro leamin nu ahte mus ii leat "lohpi" justa dál čállit dan. Čállin ii leat álki.
-Mus lea hui miella čállit morraša birra, muhto moraš lea váttis fáddá, dan lea váddásat čállit go maidige eará mu mielas.

Soundtrack: mu dihtora vifta mii riedjá dego livčče gorži ja Sigur Ros ipodas.

No comments: