11/25/2008

izu-tv


(Gova lean viežžan nrk.no/izu-siiddus ja lea Sigve Nedredal guhte lea govvidan.)

Dál de lean oaidnán guokte oasi ođđa sámi humor-prográmmas Izus. Na maid dal galggan dadjat…? Sáhtán gal dan dadjat ahte jus die livčče leamaš eará gielat prográmma, de livččen jaddadan tv áááááigáááá jo vuosttaš geardde go oidnen. Muhto go jo lea sámegillii, de sápmelaš geahččá.

Dat mii vuosttaš prográmmas lei hui dárbbašmeahttun, lei ahte prográmmajođiheaddjiguovttos geahčaiba máŋgii boasttu kamerai. Dat lei buoret dán nuppi oasis, dál dat gal geahčaiba rivttes kamerai. Diet de gal vel diet, muhto…

Hálidivččen maid diehtit makkár olmmoš leamaš stylista prográmmajođiheaddjiguovttos… Elles gal ledje vuogas biktasat sihke vuosttaš ja nuppi prográmmas, muhto Åsii gal ledje galgat gávdnat vuohkasat biktasiid. Mu mielas galget nuoraidprográmmas leat prográmmajođiheaddjiin trendy, dahje coola biktasat. Jus geahčat eara gielat nuoraidprográmmaid de oainnát sii leat čiŋadan hui coola láhkái. Diekkár biktasat mat nuorain muđui servodagas leat badjelis, beare veahá vel coolasat...

Huffe, sketšaide mun in liikon. Earret Gussalihkku, de lei vuosttaš prográmmas somás poeŋŋa dien bihttás gos diet gánda lei leamaš festemin ja bođii ruoktut visot varran, muhto ádjánii mu mielas menddo guhká ovdal jovde poeŋŋii. Odná prográmmas lei diet “brokeback lavvu”... Lei nu heahpat oaidnit go mu mielas lei nu heittot. Snoallat mun gal liikon, muhto dien vuogi maid prográmma lea válljen lea áibbas earálágan go mu humor. Jáhkket go ahte sii leat nu “coolat” go dustet návlliid ja čiččiid čájehit? Mu mielas leat sii válljen menddo “álkkes” čovdosiid. Mun in gal leat diekkár guhte bijan reaškit beare muhtin dadjá “cinná”, ja orro ge nu ahte diekkár olbmuide sii leat ráhkadan prográmma.

Mu mielas lei odná Gussalihkku hui somá. In dieđe mo earáid mielas lea, muhto mun dovddan hui bures dialogaid mat ledje Boazolihkkus, ja munnje gii lean bargan Boazolihkkuin lea somá gullat musihka, dialoga, ja oaidnit filbmenvuogi ja govaid mat leat oahpásat.

Odná jearahallan studiogussiin lei hui buorre. Lemet Ánde bállii muitalit fierpmádaga, ja son lea jierbmás gánda. Gážaldagat prográmmájođiheaddjiguoktás maid ledje buorit. Muhto lihkká de ii oro dat heivemin prográmmii. Orro leamin dego kompromissa, ahte muhtin lea gáibidan albma ságaid maid beassat hállat, muhto de dat ii heive muđui prográmma sisdollui. Ja diet “hástalushommá”, diet ii leat mu mielas somá. Mun in hálit diehtit čiegusvuođaid studiogussiid birra, ja guhkin eret prográmmajođiheaddjiguoktá birra. Ii leat miellagiddevaš munnje.

Na mii de šaddá boađus dás? Geahčan go mun boahtte vahkku prográmma? Na sihkarit, go Gussalihkkui mun gal liikon. Ja ferten varra sihke belljjid ovddas doallat ja čalmmiid čarvut go leat sketšat ja go lea studioguossi...

5 comments:

Villle said...

Vuoi, diet gal lei albma kritihkka. Miellagiddevaš. Mon ferten dál geahččat olles prográmmaid. Mon gii ledjen nu ilus go ledjen beare oaidnán dien ráppe-video vuosttaš oasis. Mii mu mielas lei hui buorre. Hui somá. Mon in dieđe makkár humor mus lea, go dovden ahte lei somá. Muhto.

Ánne Márjá said...

Šaddá somá gullat maid Ville oaivvildat go leat olles prográmmaid geahččan, soaitá don liikot.

Diet ahte goappá kamerai geahččaba, diet lea vissá poeŋŋa, nu aŋkke evttohii muhtin ustit mus. Ahte galgá leat nu, ahte lea coola. Jojo, jus jo galggaš nu, de lea veahá vahát go dat ii meinnestuva ja orro ahte leat čuorbbit go eai eai ádde guđe kamarai galget geahččat.

Skåden-nieida said...

E rimelig enig med dæ i den her kritikken AM. Æ like og Kulykke, også fordi æ kjenne igjen dialogen fra Reinlykke og musikken og konseptet e arti spør du mæ. Og han "verdden" tel programlederan som har innslag syns æ og e morsomt. Samtidig så syns æ man ska være LITT meir kritisk for KÆM man hiv inn på under rulleteksten av folk som ska på tv. Bli flau av det. Einaste som va arti i går va Hilje som bære satt der og plutselig sa "BØ". Da flirte æ godt!

Unknown said...

Buorre kritihkka. In leat ies ge saddan cuovvut olles programma vel. Heahpanin nu dakkavide, ja in nagudan sat.

Dát mailbmi lea nu lossat!

Anonymous said...

Mu mielas gal lei olles programma aibbas HEITTOT. Ii oktage caskke Ole Rune Hætta programmaid ja su vuogi rahkadit somas programmaid. Muitibehtet go su guoimmuhan programmaid, Terminator nammasas beatnaga ja Ronny Hætta. OOOBA kula! Divrras sameminuvttaid TV:s galggasedje cajehit albma buori guoimmuhanprogrammaid gos leat programmajodiheaddjit geat MAHTTET bargguset eaige beare gavanduola. Mu persovnnalas oaivil PUNKTUM