10/15/2008

Gážaldagat

Na ii dat lean dieđusge nu álki mo dát skire lei jáhkkán, dat gážaldagat maid mun ledjen ráhkadan eai livčče addán daid vástádusaid maid mun hálidan gullat. Ii fal dan láhkái ahte mun lean ovdalgihtii mearridan maid informánttat oaivvildit, muhto lea beare nu ahte diet gážaldagat eai lean doarvái bures čállon. Nu ahte odne lean beaivvi bargan, čállán, veardidan, geahččaladdan ieš vástidit ja geahččan mo earát leat sullasaš bargguid dahkan. Dál lean rievttimielde oalle váibbas, muhto jáhkán mun áiggun vel lohkat veahá ovdal nohkan. Ihtin lean jurddašan ovtta skihpáris sihtat veahkki, jáhkán son lea čeahppi ráhkadit dákkáraš gážaldagaid. Muđui lei odne sihke SSSRa pizzaeahket, ja mu gránjjá galgá DJ-stallat Circas, muhto mun in gillen in goappá ge sadjái. Fitnen baicce buiddiid suddadeamin ja fámuid viežžamin Satsas. Ollu, ollu buoret áiggegollu.

Soundtrack: Beach Boys – Good vibrations

2 comments:

Villle said...

Gula, mii lea diet SSSR? Mon ledjen ikte hupmame muhtin olbmuiguin ja de galgen muitalit ahte Hoteallas dáppe G-nus lei juogalágan deaivvadeapmi/ávvudeapmi ja ahte dat geat ledje doppe ledje NSR-olbmot. Muhto mon lohken SSSR-olbmot, go ledjen dien oanehasa lohkan du bloggas. Na, dat olbmot jerre, mii diet SSSR lea? Ja mon jurddašin, ii go SSSR lea Soviet? CCCP han lea SSSR jos lohká ruoššagillii!!!

Ledjet go borrame Ruošša pizza???

Ánne Márjá said...

SSSR lea Sámi Studeanttaid Searvi Romssas, ja soaitá maid nu ahte válljejedje justta dien oanádusa go mearkkasa Sovjet maiddá. In diede, soaitá nu.

In mun fitnan Ruošša-pizza gal borramin, in oba borran ge pizza dien beaivvi. :p