4/01/2007

Bahá ii galgga baháin mávssahit


Lean lohkamin girjji Gandhi jurdagiid birra, ja son dadjá justa dan maid mun lean ruovttus oahppan: bahá ii galgga baháin mávssahit. Smiehtan mánáid birra geat leat soađis bajásšaddan, mo galget sii jáhkkit dasa? Áidna maid sii leat mánnávuođarájes oaidnán lea soahti ja gillámuš. Sii leat oaidnán ahte ii leat ávki. Ii leat ávki šat bargat maidige, nu ahte heađis sii bálkut vel geđggiid ge stuorra soahtefievrruid vuostá ja bissoalbmáid njeaiga. Sii leat dušše mánát... Sii atnet dan vearjju maid gávdnet. Mánát áddestallat rávisolbmuid, ja danne lea ge nu dehálaš ahte riikkat fárggamusat áddejit maid sii dahket dáiguin mánáiguin. Sii bilidit sin. Mii, geat eat jienát maidige, geat dohkkehat soahtedáguid, mii bilidat mánáid. Alla hearrát soaládit mánáid boahtteáiggi.

Ja leat maid rapportat main čuožžu ahte soalddáhat leat mánáid bidjan sin ovddabeallai amas ieža báhččot. Gii nágoda govvádallat makkár jurdagat ovtta 10 jahkásaš mánás leat geas lea mášenbissu sihke ovddabealde ja sealggabealde...?

Mánát hálidit ráfi, vuoikke eai oba dieđe ge mii ráfi lea.

No comments: