3/26/2007

Gii lea sápmelaš ja mo galgá dovdat su?

Oidno go dán govas ahte lean sápmelaš?

Mielastan lea dát Kill-Buljo digáštallan muittuhan mu man "hearrát" mii sápmelaččat muhtomin sáhttit leat. Orro vuhttomin dakkár guoddu ahte leat dušše mii geat álo leat dovdan iežamet identitehta ja geat leat bajásgesson sápmelažžan, mii dat galgat mearredit geat vel besset dadjat iežaset sápmelažžan. Gii mearreda lea go omd. muhtin Áltálaš sápmelaš? Mo galgat mii vuostáiváldit sápmelaččaid geat ovdal leat navdán iežaset dušše dážan dahje kveanan, dahje manin de leat bajásgesson. Mun lean ies máŋgii jáhkkán olbmot leat rivgut dahje dážat, go in leat sámegielain gulahallan singuin. Ja de lean háladettiin dahje maŋŋá fuomášan ahte sii han maid gusto leat sápmelaččat. Muhto lea veahá váttis, galggan go buohkain jearrat leat go sii sápmelaččat, gos sin sohka lea vuolgán, makkár giela sin máttut hálle? In dieđe gal, livčče vuogas jus buot sápmelaččat bijažit unna mearkkaža mii čájeha sin gullevašvuođa.

Muhto mii galgat muitit ahte mii eat sáhte ovdalgihtii diehtit earáid identitehta, ja mii eat ge sáhte gáibidit ahte buohkat galget vel duostat dovddastit sin gullevašvuoŋa... Ii leat vel nu ahte buot báikkiin sáhttá dovddastit sámi gullevašvuođa ja seammás bállet krámbuvddas fitnat.

1 comment:

Anonymous said...

Æ e så enig med dæ! Både sett fra et antropologisk perspektiv og fra mitt eget perspektiv og egne erfaringe med min samiske identitet og det å finne ut om nån e same eller ikkje..