3/02/2007

čeahpes olbmot

Mus lea nu lihkku, go mus leat nu čeahpes skihpárat! Lea nu somá oaidnit go meinnestuvvá. Sigbjørn lea evttohuvvon vuoitit ”Nordisk Råds litteraturpris” ja galgá vuossárgga dáža-tv’ii, Store Studioi. Jurddš! Girjji lea čállán ja vel sáhttá dien bálkkašumi fitnet, vuoi hearrándette. Nu ahte vuossárgga dii 23:10 čohkkán jienajávohaga ja geahčan tv.

Susanne maid lea nu čeahppi! Sámediggeáirras ja jierbmás nieida. Nissonbeaivve galgá son sártni doallat Romssagávpoga torggas. Illudan vuolgit su guldalit, ja sávan leat ollu guldaleaddjit.
Nissonbeaivvedoalut Romssas.

Jeanette maid čállá! Ja sávvamis mii beassat su ge girjji fárgga lohkat. Dán háve in námohan eará go sin, muhto mu skihpárat leat sihke sámegielhálli psykologat, festiválalágideaddjit, juoigit, girječállit, servodatberošteaddjit, buohcidivššárat, studeanttat ja vuoikke mat. Ja sii leat nu movttegis olbmot, ja singuin lea nu somá buljjardit.

Ja mu bearaš. Dat maid leat beare čeahpes olbmot. Barggánis ja somás ja buorit olbmot. Sin mun gal váillahan go lean gávpogis. Lihkkus lean odne ruoktut bijadeamin, dollestan Leavnjjas vel smávvafulkkiid galledeamin, gal šaddá buorre ruoktut boahtit. Ii mihkige leat nu mo ruoktu.

3 comments:

Elle said...

gal mun ledjen gusto bazahallan vehaš, in lean oainnat ipmirdan aht don leat molson blogga; muhto dal!! de viimmat beasan fas lohkát du somás sagaid! Keep up!

Muđui; Mun ge muitain iežan čeahpes olbmaid go don čállet dien blogga! Buorre rámppot earáid!!:)

Villle said...

rámpon-miella go bođii olggos otne!!!

don gal leat čeahppi gii čálát nu bures go čálát.

Anonymous said...

Hearran man ceahpi ies leat! Mu mielas maid lea soma go mun dovddan nu ollu ceahpes olbmuid!

"Peace" - Runar Summal.