10/11/2010

Šukuládegáhkku

Álggus fertet coggat firkala amat duolvvidit iežat fiinna čuvlla, ja de deaddilat uvnna johtui: 225 gráda.

Oza girjji masa leat čállán mo galggat gáhkket, ja sáhtát maid gárvásit bidjat beavddi ala buot maid darbbašat dán gáhkui.

Bija gáhkuforbmavuđđui gáhkkenbáhpára.

Šolgat 200g vuoja. Mun geavahin mielkekeahttesvuoja, vaikke vel rievttimielde galgá geavahit gusavuoja. Geavat fal gusavuoja jus gierddat dan, jáhkán lea njálgasat, vaikke mielkekeahttesvuodja maid doaimmai hui bures.

Go vuodja lea šolgan de bijat 200g vuoššanšukuláda vuodjakasserollii. Šolgat, várut ahte pláhta ii leat menddo liekkas.

Divtte šukuládavuoja veahá čoaskut, dan botta fierut 2dl sohkara ja 4 mani nu ahte šaddá mannedosis(?), na don áddet: eggedosis.

Seagut šukuládevuoja ja sohkarmanneseaguhusa.

Sille 2.5dl nisujáffuid ja 1 teajabastte "bakepulveriid" šukuládamanneseaguhussii.

Leike dáiggi gáhkkuforbmii ja bálkes uvdnii.
Go gáhkku lea leamaš kvártta uvnnas, de lea giksan. Gáhkku galgá leat veahá njuoskkas. Guossut gáhku lákcajieŋain dan botta go ain lea loikkas/oalle liekkas. Máilmmi njálgga. :)
Flytende sjokoladekake: 200g smør (eller melkefri margarin om ikke du heller tåler melk), 200g kokesjokolade, 4 egg, 2dl sukker, 2.5dl hvetemel og 1ts bakepulver

3 comments:

Børre said...

Fiinna govat, dego proffa biepmoblogga :)

sápmelaš said...

in mun jáhkke ahte sáhttášin nu bures ráhkadit šukuládegáhku. Muhto várra galggan geahččalit muhtin beaivi. :)

Ánne Márjá said...

Børre: hehe, na in dal dieđe ležžet go áiddu nu buorit gal dat govat, muhto: giitu! :)

Sergey: Dieđusge sáhtát don ge rahkadit šukuladegáhku, jus beare rahkadat nu go lea čállon ahte galgá rahkaduvvot, de manná bures. :)