11/29/2008

Reggaedancing in my bedroom

Odne lea buy nothing day , lea álki searvat beaivái go odnábeaivve mális lea ikte jo málestuvvon ja muđui leat skáhpa dievva borramušat, nu ahte birgen bures. In dárbbaš ođđa biktasiid, vaikke hálidan gal vuoikko maid! In ge dárbbaš vuolgit juovlaskeaŋkkaid oastit, go daid in oastte goitge (earret go dan 2 skeaŋkka maid áiggun oastit). In ge dárbbaš ođđa lášmohallandávviriid, vaikke sávan sihke yogamáhttá (váivi dieid SATSmáhttáid alde veallát main lea nu bivastathádja), ja fansyshmancy goggles’iid (čalbmeglásaid maid geavahan go čierastalan muohtafielluin). Lea álki doarjut dákkár áššiid, nu go odnábeaivvi. Muhto lea veahá váddásat árgábeaivvis muitit mo galgá láhttet amas nuoskkidit eanet go dárbu. Posegeavaheami gal lean oalát geahpedan, lea hui hárve go mun siđan plastitpose go lean gávppašan. Ja daid posiid maid fievrán ruoktut, daid geavahat ruskaposen. Ja mii leat vel hui čeahppit sorteret ruskkaid dán dálus. Plastihkaid alit posii, garrabáhpáriid dan fiskes posii, eará báhpáriid dan rukses posii, borramušbázahusaid dan ruoná posii. Vuoi heaitán mii leat sierat. :p Jáhkán leat ollusat geat leat geahpedan posegeavaheami, ja jáhkán maid ollusat smihttet eanet nuoskkideami birra go ovdal.

(Dien mii lea čállon dies bajábealde, dien ledjen čállán eske ovdal mannen lášmohallat ja go bohten ruoktut de iskkastin nrk-neahttasiiddu ja doppe lea ge sáhka justa posiid birra, oalle somá)

Muhto aŋkke, odne lea dat beaivi goas ii galgga gávppašit. Rievttimielde mu mielas lea veahá jallas beaivi, go olmmoš galggašii juohke beaivvi smiehttat mo son nuoskkida. Muhto go jo olbmot eai beaivválaččat smiehta dan birra, de dákkár beaivi lea oalle vuogas, muittuhandihtii olbmuid. Ieš aŋkke lean hui duhtavaš, go in oastán in káfe ge (die sesten ovtta bábirkohpa) Narvesenis eske. Áiggun baicce dál vuoššat espresso, ja de njuiket riššui ja de coggat áđabuš biktasiid ja vuolgit Viesterálasnieiddaid guossái.

Sountrack: iPoda čuojaha juohkelágan reggae munnje.

3 comments:

Villle said...

Don čierastat muohtafielu! Mon in lean gullan dien sáni muohtafiellu ovdal :) In ge lean gullan - mii dat lei - Vesterálasnieida. Dien in ipmirdan.

Ánne Márjá said...

Leat muhtin guovdageain-gánddat geat dien muohtafiellusáni leat huŧkan, hui vuogas sátni.

Ja Viesterálas lea Vesterålen (jus in leat áibbas boasttu dieđuid ožžon), nu ahte Viesterálasnieiddat leat nieiddat guđet leat Viesterálasis eret.

Villle said...

Mon jáhkken vuos Australia, dat lea sullii dego Auster-alia, ja Auster han lea sullii Öster, de mon jurddašin Österalia ja Västeralia... Jáhá, maid son dál lea hutkan - Australia ja Västeralia. Gos diet Västeralia.

Muhto dan maŋŋá jurddašin: Viester-álás-nieiddat - Väster-álás-nieiddaid fitnat. Muhto dat šattai beare "buskis", dat šattai menddo hálbbes, ii dat Ánne Márjá sáhte diekkára hutkat. De mon in diehtán riekta. Buorre ahte jerren - dál ohppen kánske juoidá. Vesterålen. (Vaikko mon in dieđe gos diet Vesterålen lea...)