8/20/2007

Jeanette Aslaksen "Mu klišea"




Jeanette Aslaksen, mu buorre ustit, lea almmuhan hui hui čappa diktagirjji.
Ollu ollu lihkkudearvuođat Jeanettii ođđa girjjiin! Lean ilus!

Deaddil dákko lohkat veahá girjjis dahje jo diŋgot ođđa girjji!

8/06/2007

Mii dáppe norggabealde

Norgga bealde ii leat dál sierra searvi buot sámenuoraide. Davvi Nuorra nogai, NSR ja SFF eaba čohkke visot nuoraid ovtta searvái ja DSJ’ii gal eai beasa go julevsápmelaččat. Sáminuorra lea leamaš jo máŋgalotjagi, Suoma Sámi nuorat 15 jagi ja Davvi Nuorra-riehpu gal ii bistán nu guhká. Lea vahát midjiide Norggabealde go mis ii leat searvi, lea erenoamáš vahát sidjiide geat leat nuorat go mun. Gos sii galget oahppat organisašuvdnadoaimmaid, gos sii galget oahppásmuvvat eará sámenuoraiguin ja mo galget sii áddet makkár árgabeaivi eará sámenuorain eará guovlluin lea..? Lea nu dehálaš ahte nuorain lea sin iežaset čoahkananbáiki. Gos sii besset hállat sin iežaset ságaid. Gos sii besset sihke suohtastallat ja politihkket. Go Norggabeale sámenuorain ii leat čoahkananbáiki, de mun balan ahte dát nuorat eai dovdda nu garra gullevašvuođa eará guovllu nuoraide, ja jus sin guovlluide bohtet váttisvuođat de sii eai dieđe gos sii fitnejit doarjaga ja veahkki. Ii, mii fertet dál ráhkanišgoahtit bargagoahtit fas, go de Davvi Nuorra lea oalát heaittuhuvvon de mii sáhttit duođas smiehttagoahtit ođđa searvvi álggahit. Mun dieđán leat ollu čeahpes sámenuorat geat sáhtašit stivregoahtit dan searvvi, ja mun dieđán maid dan ahte leat nuorat don bealde dan riikkarájá geat áinnas veahkehit min…

8/02/2007

Badjilgeahččanvuohta

Mun čállen deike 23. beaivve suoidnemánus, moadde beaivvi maŋŋá digáštallagohte seamma fáttá birra. Huff, in dieđe maid galggan dadjat. Mis lea ain garra bargu, mii fertet beassat eret dán badjilgeahččanvuođas…

Loga digáštallama dáppe